هنرجع يوم

 هنرجع يوم

بقلم / آية إسماعيل

كل الكلام ابتدى بعينك
كل الكلام اتختم بيك
كان كل حلمي إني أشوف طيفك
بقى كل حلمي إني أكون ليك

سكنت يا روحي روحي وقلبي
سكنت النبض والأنفاس
كلامي محال يكفي في وصفي
وعمره ما يغلط الإحساس
بحبك بشكل مش معروف!
هموت وانساك لكن مش عارفة
بدأت كلام كتير عنك
لكن من شوقي خلاص مش قادرة

نفسي في ضمة ترويني
وجوه في حضنك تخبيني
تداريني عن الأعيُن
تداويني بترياق منك
عشقتك عشق صعب في وصفه
محال تتكتب ” منسي”
يرضيني لو تحبني نصه..
أكيد يومها.. يضيع اسمي
وهنسى في ضمتك نفسي
وادوب، واتوب، واخد منك..
لنفسي انا توب!
ده قلبي يدوب يشيلك بس
اتوب من كل ذنب ارتكبه..
لكن محال منك يا ذنبي اتوب!!!

معاك الروح تروح وتسافر
باعيش وياك برغم البُعد
باقول اسمك في كل صلاة
بيتجدد معاك العهد

تعالى وقرب وضم حبيبتك
وزيل عن قلبي هذا السد..
حبيبي بجد حيلي اتهد!

وروحي ميته في بُعدك
انا بعدك باعيش وِحدة
ماليها الشوق..
هنرجع يوم بحق الحب..
وحق الرب اللي فيا رماك
حبيبي لية خدت قلبي معاك..
ما تيجي اشوفك لمرة وبس
واخده منك بعد ما اسلِم
ساعتها انا هسكت..
لكن عيني هتتكلم
… تعالي وضمني مرة
وكوني ليوم…
حياتي بدونك بقت مُرة
وقلبي مكوي بنار وهموم

هنرجع يوم مهما هنبعد
هنرجع يوم وبيك هاسّعد
اكيد يعني هنرجع يوم
هنرجع يوم

rahama

اترك رد