كتبت امال شعبان

على الربابة اتغنت
حكايتي
وفي القلوب اتنقشت
بدايتي
حدوتة بنت مصرية
بضافيرها وسمارلونها
قالت ياناس ياخلق
انا بنت مصرية
ابوية واحد وامي
مصرية
لفيت بلاد ورحت
وجيت
مالقيت إلاارض أحبابي
من مية نيله ارتوبيت
كبرت البنت ام الضفاير
وقابلها جدع قال لها
انت الأماني
قالت ياجدع قلبي
اخضر ما ينكسر
ولايعاني
قال لها ياحلوة
يا أم الضفاير
أنا واد جدع ووقت
الجد لاأبالي
قلتله معاك لحد
ماينحني ضهر الصبايا
إيدك في إيدي نبي عش
يكون لحن يتغني بمزمار
الربابة
وراحت الأيام وجات
وأم الضافيربتحلم
بغنوة في القلب
شيلاها النهاية
كبرالجدع وقال
حبك مالي قلبي
يا عيون ووعد
مكتوب لعمر النهاية
شغلته صبية غندورة
بصت في عيونه ام
الضفاير قالتله حبي
لا يكون لغيرك اصل انت
كل الحكاية وانا بنت
مصرية سماري قمحاوي
من أرض جدودي
ومية نيلهم في عروقي
انا ياجدع قلبي خضاره
مروي بصدق ووفاء
والغدر ماله مكان
عند الصبايا
قالها انت الحبيب
وغيرك لا أبالي
كلامك ياجدع يشهد
عليه رب الوجود وعهدك
مكتوب في يوم
القيامة
اشهد يارب على عهود
الجدع
اصل الحكاية حكاية
جدع وأم الضفاير
حدوتة مصرية
كتبها الزمن
على أرض مصرية
فيها الغناوي تتغني
على الربابة أصلها
حدوتة مصرية#بقلمي

rahama

اترك رد