عن 2020 اتحدث

 عن 2020 اتحدث

كتبت/وفاءمحمد


سنه 2020 بالنسبه لكتير جدا من الناس كانت اسوء سنة ممكن تمر عليهم بداية من مارس للوقت ده بدايه من العواصف والأمطار لكورونا اللى دمرت بيوت ناس كتير واللى كان بسببها كتير من الناس خسر اهله واصحابه وأحبابة ماحدش سلم منها الا من رحم ربي كل حد فينا خسر حاجه في مننا اللى خسر شغله ومننا اللى خسر حياتة ومننا اللى خسر اهلة ومننا اللى خسر صحابة ومننا كمان اللى خسر حبيبة بس ده كله مايمنعش اننا زى ما خسرنا كسبنا وكسبنا كتير جدا من الفتره دى تعالا اقولك كسبنا اى
كسبنا صحتنا اللى عايشين بيها للوقت ده كسبنا ناس جديده عن طريق التواصل الاجتماعى من خلال قعدتنا ف البيت كسبنا مهارات جديده واكتشفنا نفسنا في مننا اللى عرف ربنا اكتر وقرب منه في مننا اللى صلح علاقتة بأهلة في مننا اللى عرف وفهم هو عايز اى ماحدش طلع خسران لو ماكنتش واحد من اللى فوق دول تبقي واحد من اللى جايين دول
تبقي واحد من اللى ربنا ساترها معاهم تبقي من اللى ربنا كرمهم ف نفسه ووقته وعياله تبقي من اللى ربنا حماه من اى مرض تبقي من اللى ربنا شايفهم وسامعهم ولسه بيدهم فرصة تانيه علشان يلحقوا اللى جاى
مش معنى ان حصل الوحش يبقي هيحصل الاوحش بالعكس معنى حدوث الاوحش ان اللى جاى الاجمل لان ربنا اسمه العادل اسمه الرحيم
اوعه تبص لنص الكوبايه الفاضى وركز حوليك وشوف الحلو اوعة تفقد الثقه ف ربنا وتقول كله زفت وكله وحش لان ربنا عند حسن ظنك خليك قد اى اختبار تتحط فيه واوعه تقول مستحيل وخلص الوقت
زى ما 2020 كانت سبب زعل ناس كتير ف ان شاء الله بالتفاؤل هتكون 2021 احلى واجمل
العيب مش ف 2020 علشان نكرها دى سنة وزمن زى اى زمن لكن ماينفعش نِسب ونقول سنه كانت وكانت ده كله وقت ويعدى دى سنة وخلصت زى اى حاجه ما بتخلص المهم اننا ما نفقد الامل ونفضل مكملين ونقول لعلة خير مع تحياتى ل 2020 واهلا ب 2021

hamada

2 Comments

  • جميله جدا جدا جدا
    ادعو الله ان يوفقك ويسعدك ويسدد خطاك دايما
    ودايما من نجاح لنجاح يارب

  • تسلم لزوقك

اترك رد