ابن البحيرة …

 ابن البحيرة …

متابعة/ميرنا يونس

ف البدايه احب اعرفكم أنا مين؟؟
انا اسمي عماد حمدى الشاعر من محافظة البحيرة وبالتحديد اكتر مركز كوم حماده قريه سرسيقا .. عندى 27 سنه ..
تبدأ حكايتي مع الشعر من ونا ف أولي ثانوى كنت بحب اقرا ف الشعر كتير ووصل معايا لدرجه الإدمان وقعدت أطور من نفسي كتير وكتبت شعر كتير ..
الحمدلله أنا انهاردا وصلت لمرحله حلوة جدا ف الشعر بصراحه كنت اتمني اوصلها ف الشعر ..
كتباتي ف الاول كانت كتباتي كلها باللغه العربيه الفصحى بس بعد كدا كتبت شعر عاميه كتير جدا..
وطبعا زى ما كلنا عارفين كل شخص فينا لازم يبقي عنده مثل اعلي..
ونا كان مثلي الاعلي (نزار قباني ، ايليا ابو ماضي ، الابنودى، صلاح جاهين ، هشام الجخ) …
وطبعا زيي زى اى شاب لسة بيبتدى طريقه ز ما بنقول واجهت صعوبات كتير أولها كان سفر من محافظة لمحافظة وسبب سفرى هو اني كنت بطلع حلقات كتير بالتليفزيون منها:
(القناه الاولي ونيل ثقافيه ونيل فاميلي والدلتا والقاهرة) بعد كدا …
طبعا قابلت انتقادات كتير لكن دلوقتي ناس كتير ف مصر وبرا مصر كمان حبت شعرى ..
وكمان بكتب شعر حر وشعر الحديث وكان آخر لقاء ليا كان ف الشعر كانت حلقة راديو مع مذيعة عالميه مصريه ولكن هي مقيمه ف استراليا اءاعت الحلقه من استراليا وامريكا وقطر والكويت وفلسطين ..
ومن هنا بدأت اكتب شعر كتير ف صحف محليه ودوليه وكان آخر حاجه عاوز اوصلها للناس ..
طول منتا بتعافر وبتسعي وعندك إصرار وعزيمة واراده وقوة تحمل ف اكيد هيجي يوم وتوصل ..
ف كتير مننا عندهم احلام كتير بس انا حلمي واحد وهو اني اوصل شعرى للناس كلها
وف النهاية بقي حابب اقول مقوله مهمه اوى وبتلخيص ف جمله واحدة وهي ..
“إن ورا كل امراه رجل عظيم وورا كل رجل عظيم امرأه أعظم ف الحقيقة المرأه الاعظم دى هي امي ولولاها مكنتش هوصل لاي حاجه من اي حاجه نجحت فيها “

hamada

اترك رد