منوعات

شاعر من وطنى (على عبدالرحيم)


اعداد وحوار/ حمدى احمد…


الشعر هو ذلك الكلام الموزون لحناً، العذب لغة، لا يتقنه إلّا قلة قليلة حباها الله بهذه الموهبة الفذة
اعزائى متابعى لقاء شاعر من وطنى اهلا بكم
فى لقاء جديد مع نجم جديد من نجوم شعراء الوطن العربى لقاء اليوم مع شاعر مصرى يملك احساس دافى وقلم ذهبى يمتزجان فتخرج كلماته كموسيقى نسمع الحانها ونحن نقرء اشعاره شاعرنا اليوم الشاعر على عبد الرحيم

فى بدايه القاء نرحب بالشاعر القدير
المبدع الخلوق حمدى احمد كل التحيه والاحترام والتقدير لحضرتك والى كل من يقرأ حروفى المتواضعه
..........._
** ممكن تعرف حضرتك للقراء ؟

على عبدالرحيم محمد 46 سنه من اسره متوسطة الحال من مواليد صعيد مصر قرية بنهو محافظة سوهاج درست فى معهد الموسيقى العربيه درسات حره أصوات والة العود صدر لي عام 2010 ديوان رساله الى صلاح چاهين صدر لي عام 2017ديوان الفرعونيه نشر لي فى بعض الجرايد والمجلات والمجلات وبعض المواقع الاكترونيه امثال مجلة الاراء مجلة النهار جريده المساء العربي جريده الوفاق الوطتي وبعض الجرايد الأقليميه
وعضو فى القسم الادبي لجريدة المساء العربي ومحرر صحفي والحمد لله على كل حال

..........._

بدايه مسيره الشاعرعلى عبد الرحيم الابداعيه
متى وكيف كانت البدايه وهل تتذكر اول ابيات كتبتها ؟

البدايه كانت فى عمر السادسة عشر مرحلة المراهقه عشقى للطرب ولمؤلفين الاغانى امثال مرسي جميل عزيز. حسين السيد الابنودي صلاح چاهين حبي للفنان عبدالوهاب عبدالحليم فايزه احمد فى ثقافة طهطا كتبت اول حروف ليه وكانت بعنوان عشانك. عشانك هاحب سنيني ومش هاغمض عينى عشان ابصلك وابصلك واملي عينى منك ورحي تحرص ضلك يا اغلي من روحي وعينى نفسى ابعد الحزن عنك واقرب الفرح منك واحب اللي يحبك واسقيك الحنان وتسقيني يا اغلى من روحى وعينى عشانك هاحب سنينى
كانت البدايه والحلم اللي حلمته اكتب حروف اسمى مع حرفى
..........._

لكل شاعر مدرسه ما المدرسه الشعريه التى ينتمى اليها شاعرنا الراقى ؟
انتمى الى مدرسة الحياه سنه أولى غربه ووحده واحزان سنه تنانيه حلم وطموح وحرمان سنه تالته ورابعه صبر وثقافه على قد مابقدر ويكون لي طابع خاص يكتب حروف اسمى
..........._

كثيرون كتبوا الشعر ونظموا القوافي، لكن هذا ليس بأمر كاف لولادة شاعر، من هو الشاعر برأيك؟
الشاعر هو اللي زارع فى قلبه فدادين احساس هو اللي بيحب الحب يحب الناس وطيور عواطفه ومشاعره وحنانه واخلاصه تكون لهم وناس يرسم من ملامحهم الحب والفرح الحيره والغيره الحزن والجرح حتى لحظات الضعف والحرمان يرسمهم باخلاص
..........._

** ماهى القيم والمبادى التى تؤمن بها وتريد توصيلها من خلال اشعارك

القيم والمبادئ اللي نشأنا عليها الصدق مع النفس قبل الغير هدم الفشل واليأس وزرع النجاح والخير تحب كل الخلق سواء بشر حيوان زرع جماد طير
الامانه والاخلاص وجبر الخواطر حب الله والخوف منه كره الحرام والبعد عنه
..........._
** هل تنتمي إلى أيّ مؤسّسة أدبيّة؟ وإن كان نعم، حدثنا عن تجربتك، وماذا يمكن للمؤسّسات الأدبيّة أن تضيف للشاعر؟

الان لا انتمى الى اي مؤسسه أدبيه قريبا جدا انشاء الله اتمنى التوفيق والنجاح لي ولكل انسان طموح عنده اصرار والحاح بيحاول يكسر بيوت الاه ويخرج الى عالم النجاح
..........._
اقرب قصيده من قلب الشاعرعلى عبد الرحيم من قصائده ولماذا ؟

اقرب قصيده وبحبها جدا هى الشيخوخه بتكلم فيها عن حلمي عن خوفى عن مشاعري عن حبى واسمح لي اكتب بعض ابياتها الشيخوخه
أبن الجبل والشمس
ابن الشجروالهمس
أبن الغيمه الكريمه
اللي بتطرح مطر
مابيخافش من صرخة السكوت ولا حتى من غفلة الموت. قد ماييخاف من الشيخوخه والعلل
من صباه وحلمه عايش جواه
ونفسه حروف اسمه تتكتب ف غناه فتح كتاب الحياه شاف الطريق صخر. شاف الصديق قهر شاف الدنيا معنداه ووحدته ف غربته ملازماه كسر بيوت الاه وحلف يغتال الفشل ابن الجبل
..........._
** لو تم ترشيح الشاعر على عبد الرحيم فى وظيفه قياديه فى وزاره الثقافه مااهم القرارات التى تتخذها لخدمه الابداع والمبدعين ؟
اهم القرارات هو الاهتمام بالمواهب الشابه على مستوى الجمهوريه
دعم مادى ومعنوي وادبي لقصور الثقافه فى الاقاليم لاانها الي الان تعاني من تجاهل بعض المسئولين وبالاخص قصور ثقافة محافظات الوجه القبلي
..........._

** قصيده قرائها شاعرنا القدير على عبد الرحيم
وتمنى ان يكون كاتبها ماهى القصيده ولماذا ؟
قرات روباعيات صلاح جاهين مبدع الكلمه كنت اتمنى اكتب
عجبي عليك عجبي عليك يازمن يا ابو البدع
يا مبكى عينى دمآ
ازاي انا اختار لروحى طريق
وانا اللي داخل فى الحياه مرغمآ
وعجبي. الله على حلاوة صلاح چاهين واسمح لي ابعت له سلام
الحرف ابن الكلمه بنت الكلام
باعت لعمنا صلاح جاهين الف سلام
الحرف قال انا وحيد ياامه
ضميني ف حروف ابقى كلمه
الكلمه قالت ياحرفى لوجمعتك ف كلمه حاتبقى فين قال اجمعيني ف كلمتين اتنين صلاح جاهين كل يوم جمعه وكل يوم اتنين ابعت له سلام
الكلام سمع الكلام
وقال ياحرفى جاهين مبدع الكلمه من غير كلام شاعر وطني زجال صحفى كركاتير رسام الحرف ابن الكلمه بنت الكلام باعت لعمنا صلاح جاهين الف سلام
..........._

** لكل شاعر ملهمه من ملهمه شاعرنا الراقى
وكيف تولد القصيده لديكم ؟
اولا الفكره والالهام رزق من عند الله وضغط الحياه سواء كانت دقه حزينه بتكتب حروف الحزن دقة فرح اوحب او جرح الاحساس هو اللي بيكتبهم وتولد القصيده من خيال الشاعر بيرسم صوره وبيني عليها حدوتة ويصدقها ويعيشها تكتب اجمل قصيده
..........._

** هل تعتقد أنّ الشّعر قد فقد بريقه امام منافسين مثل الروايه والقصه القصيره ام مازال الشعر هو ديوان العرب
مازال الشعر هو ديوان العرب والشعر المشاعر النبيله العواطف الصادقه الجميله
بتدخل القلب من القلب اسرع واجمل واقرب من الروايه والقصه طول ما القلب ييدق والاحساس عايش مش ميت عمر الشعر مايفقد بريقه
..........._
** اجمل تعليق كتب لك على قصيده نشرتها
اجمل والطف تعليق جاني من صديقه على قصيدة غية حمام قالت أنا لما قرات غية حمام عشقت تربية الحمام وناويه لما يصبح لي اسره اول بنت اسمها حمامه والتانيه يمامه حروفك بتطير وتدخل للقلب ههههه الحمد لله اسمح لي اكتب بعض منها. غاوي اطير حمام
واحتار واحير نعومة ورقة اليمام زي مابتقولي كدا
بينا لغه وندا. بينا عشق وغرام زي ما بكلم روحك ف نبض وحس حروفك واموت ياللي قلب كفوفك مسكر طعم الكلام وافتح مقبرة خوفك وقلبى يصبح معشوقك ويقدم دقاته قربان
ياشيخه اهجري بيوت الاحزان عمر العشق ماكان حرام وأسألي اليمام والحمام
ياحمام هو حرام اعشق حروف كلامها ياحمام هو حرام انده طيف ايامها
خايف اخبط على ابولبها تلبس تاني توب احزانها قول ياغيتي الجميله غرد واشجي واحكي عن طقوس الالام
غاوي اطير حمام

واموت واشوفك ياللي قلب كفوفك
مسكر طعم الكلام
..........._
نعلم بان الشعر على عبد الرحيم متابع جيد للفيس بوك من هم الشعراء الذى يتابعهم شاعرنا الراقى ومعجب بهم ؟

والله هما كتير بس اللي فاكره حاليا الشاعر مصطفى غانم ومبدعنا. حمدى احمد
وشاعرنا خالد عاطف ابوالمجد وشاعرنا عباس محمود والشاعر سمير الخولي
..........._
** هل يوجد سؤال تمنيت ان ا ساله لك وما هو اجابتك عليه ؟
السؤال هل يوجد لك حلم فى الحياه او ما حلم حياتك
حلم حياتي ان الفنانه القديره ماجده الرومى
الفنان المميز محمد منير
يغنوا من كلمات على عبدالرحيم محمد
وفى ختام لقاء اليوم نشكر شاعرنا الراقى
انا بشكرك استاذنا حمدى احمد الخلوق والمتواضع
وبشكر كل من يقرأ حروفى ويا رب حرفى يكون لكم طير سعاده يرفرف على قلوبكم
شكرا جزيلا

اترك رد

إغلاق