مقال

** جزيرة الروضه**

 

البوابة اليوم / آيه الهادى

الوصف /جزيرة الروضه وأقسامها وأصلها

المحتوى /

• جزيرة الروضه هى جزيره نهريه في نهر النيل عند القاهره

جزيرة الروضه هي إحدى ثلاث جزر في نهر النيل بين القاهره والجيزه وإن كانوا تابعين لمحافظة القاهره وإدارياً فإن جزيرة الروضه تتبع قسم مصر القديمه

• تنقسم جزيرة الروضه إلى قسمين :.

الجزء الشمالي ويسمى «المنيل» (أو منيل الروضه)

الجزء الجنوبي ويسمى «المماليك»

• أصل الجزيره كان عليها حصن رومانى بيعتبر ملحق بحصن بابليون و جزء من وسايل الدفاع عن رأس الدلتا فى العصور الوسطى عرفت جزيرة الروضه بإسم ” الجزيره ” لأنها فى مجرى النيل وعرفت أيضاً بجزيرة الفسطاط لإن موقعها قدام الفسطاط التى كبرت وبقى اسمها مدينة مصر فبقت الجزيره اسمها جزيرة مصر

• ‏ عرفت الجزيره بإسم جزيرة المقياس لإن كان فيها مقياس النيل اللى امر ببناه الخليفه الاموى سليمان بن عبد الملك سنة 715م/ 97هـ وبيقول الادريسى ان الجزيره كان طولها ميلين و عرضها رمية سهم

• ‏ عرفت كمان بجزيرة الحصن بعد ما بنى فيها احمد بن طولون حصنه وبجزيرة الصناعه لإن كان فيها ” دار صناعه ” ( يعنى ورش لتصنيع المراكب و السفن ) وفى العصر الاخشيدى محمد بن طغج الاخشيدى نقل دار الصناعه لساحل الفسطاط و انشأ فى الجزيره بستان سماه ” المختار ” و بنى فيها بيت لحرسه و مبنى للنوبه و مخازن للكسوة و الاكل وايضاً فى العصر الفاطمى اتسمت جزيرة الروضه بعد ما بدر الجمالى بنى فيها جنينه سماها الروضه وكان بيزورها من وقت للتانى عن طريق مركب وفى نفس العصر بنى الخليفه الآمر بأحكام الله سرايا جنب البستان سماها ” الهودج ” لواحده ست كان بيحبها اسمها ” البدويه العاليه ”

• فضلت الجزيره على مر الايام ضاحيه ملكيه بيبنى فيها الامراء والوزراء و الخلفاء حصونهم وقصورهم و جناينهم وكانت منتزه جميل لاهالى الفسطاط فى عهد السلطان الايوبى الصالح ايوب ساب الصالح مكان اقامته فى قلعة الجبل وعزل على الجزيره بعد ما بنى فيها قلعه عرفت بإسم ” القلعه الصالحيه ” و قصور و بيوت لمماليكه اللى سماهم المماليك البحريه لانهم عاشو معاه فى الجزيره فى ” بحر ” النيل فى عصر الدوله المملوكيه السلطان عز الدين أيبك هد مبانى الصالح ايوب وبنى من انقاضها المدرسه المعزيه فى الفسطاط بيقول المقريزى ان الجزيره كانت ” متنزهاً مملوكياً ومسكناً للناس ”

فى العصر الحديث جزيرة الروضه بقت حى للذوات بعد ما بنت اسرة محمد على باشا فيه ڤيلات و سرايات فبنى فيه ابراهيم باشا واسماعيل باشا و الامير محمد على ابن الخديوى توفيق وغيرهم سرايات فخمه من اشهر القصور التى بنيت فى جزيرة الروضه قصر المانسترلى الذى بناه حسن فؤاد المانسترلى باشا سنة 1851 وبيعتبر تحفه معماريه و بيضم حالياً متحف ام كلثوم

النهارده جزيرة الروضه بيربطها بالقاهره خمس كبارى و بالجيزه كوبريين وبيربط شارع الملك الصالح كوبرى الجيزه بكوبرى الملك الصالح و بيقسم الجزيره لحيين : المنيل او منيل الروضه والمماليك.

كتبت / آيه الهادى ، جزيرة الروضه ، كوكب الروضه فى تاريخ جزيرة مصر المسماه بالروضه ، البوابه اليوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى