كلام واحد مصرى

 كلام واحد مصرى

بقلم /أيمن بحر


قبل ماننسي والنبي يا جماعة
في 57 دولة اسلامية منهم 22 دولة عربية
لو ناويين تحاربوا اسرائيل ياريت متعملوش حسابنا معاكم
انتوا قولتوا ان السيسي امه يهوديه وطبيعي مش هيحارب اخواله
وقولتوا الجيش المصري غير مدرب ومشغول بصناعة المكرونة ومعندهوش وقت يحارب
وقولتوا ان مصر باعت القضية من سنة ١٩٧٩ وعاملة اتفاقية سلام مع اسرائيل
‏ايوه دا كلامكم
اعتبروا ال57 دولة نقصوا دولة وسيبكم مننا خالص واعتبرونا مش موجودين أصلا
1_ بس عندكم تركيا ما شاء الله مسلفه البنك الدولي وجيشها جايب الكره الارضية طول وعرض
2_ قطر هتمول الحرب بالفلوس …اي يعني اما تدفعلها 2 أو 3 مليار دولار اعتبروهم من ضمن المليارات اللي بتدفعها قطر لاسقاط مصر
3_ وعندكم ايران بتصنع نووي واعلنت انها هتدمر امركيا في ٢٠٢٠
4_ وعندكم الاخوان حدث ولا حرج بيقولوا عددنا 50 مليون علي مستوي التنظيم الدولي
‏والجماعات المسلحة زي داعش والنصره وحزب الله وكتائب القسام وحماس وبيت المقدس والجهاد والتحرير اللي دمروا ٤ دول عربية في ٥ سنين يعني يقدروا يجيبوا إسرائيل الأرض في اسبوع علي اقصي تقدير
5_ مش بتقولوا تركيا عندها صواريخ بتوصل القطب الشمالي وتقدر تنيم إسرائيل من المغرب وقطر عندها رافال وطيارين من المريخ
فبلاش ترموها علينا علشان احنا مش هنحارب لحد علي حساب نفسنا
بالمناسبة ال57 دولة معتمدين ان مصر تحارب لأخر جندي مصري بس احنا بنقولكم انسوا
كان فيه وخلص
اطلعوا بقي من جو الاستنكارات والشعارات الكدابه اللي مش بتقضي وسمعونا جمال خطوتكم
سيبكم من الهري الفاضي… ويطلع كام مزيع يشتم ترامب ونتنياهوا
الكلام مش بيجيب نتيجه ولا ترامب ولا نتنياهوا شايفينكم اصلاً ولا الامريكان ولا الصهاينه بيتفرجوا علي القنوات بتاعتنا يعني كل اللي بتعملوه نفخ فالهوا
تحبوا نقولكم عدد الجيوش بتاعتكم كام ولا عندكم معلومات كافيه

rahama

اترك رد