من كلماتى باللغة العامية…

 من كلماتى باللغة العامية…

بقلم / إيمان حامد …

متابعة / محمد العكروت ….

سالت بنت معديه
اي اكتر حاجه شغلاكي
قالت لبسي ومظهري ومكياجي
وخروج انا وصحباتى يوماتى
والنت مقدرش استغنى عنه
ليل ونهار مش بمل منه
قولتلها طيب وصلاتك
واخده اي من اوقاتك
قالت الصلاه مفرطه فيها
مره اطنش ومره اصليها
وبعدين ربنا غفور رحيم
والحمد لله اننا مسلمين
قولتلها طيب ونقابك
طرحتك او حتى حجابك
شعرك ليه سيباه سارح
ويشوفك الجاي واللي رايح
قالت واتحجب ليه
وجمالي ليه اداريه
هو انا وحشه ولا معيوبه
البس خيمه زى الكركوبه
وحتى لو بكشف جسمى
في التربيه انا عارفه نفسي
وبعدين انا لسه صغيره
وفي الحجاب مش مفكره
لما اكبر او بعد جواز
ابقي البس طرحه وخلاص
وتعدى بيها الايام
وهي تايهه في الاحلام
ويجيها ملك الموت
ويعم بعدها السكوت
ويوم القيامه يوم الحساب
تتمنى لو كانت تراب
يااخواتى هقولك نصيحه
خافوا بكره من الفضيحة
اللي هتكون وقت الحساب
وتيجو تقروا الكتاب
هتلاقو كل شي مكتوب
بالحرف مجموع ومحسوب
يا تري هتكونى راضيه عن كتابك
وعن كل اللي عملتيه في حياتك
وساعتها مش هينفع ندم
ولو البكى كان بالدم
نصحتي ليكى تاخذي الزاد
وتخافي من رب العباد
واعملي بالكتاب والسنة
علشانى تفوزى بالجنه
وفي نهاية الكلام
ليكم تحياتى والسلام

Eman

اترك رد