‫الرئيسية‬ مقالات الرأي هل هؤلاء قادة المستقبل
مقالات الرأي - سبتمبر 2, 2019

هل هؤلاء قادة المستقبل

بقلم صادق المناسفي🇪🇬

مبسوطين بالمنظر دة؟
هل هؤلاء قادة المستقبل

جيل الندامةالجيل ده اللى نشأ على أغنية مفيش صاحب بيتصاحب ومفيش راجل بقى راجل جيل المعتوه محمد رمضان وعبط اوكا وارتيجا وإعلانات الخلاعة والمياصة
الجيل ده نشأ على فيلم بيتقال فيه علناً كده بين اتنين ستات مالك يامره لو تعبانه خديلك نص احمر واسف من اللفظ بس بصراحة ما وصلنا له يسبب لي ضيق في صدري ولا اجد من الكلمات ما اعبر به عن مرارة الواقع الذي نعيشة
الجيل ده نشأ على اعلان قبيح اقسم انني عندما اري واسمع ذلك الإعلان اموت خجلا امام اولادي بيتعرض فى نص الفيلم ع التلفزيون عن تطويل وتكبير وتضخيم
الجيل ده نشأ على مسلسلات بتتعرض في نهار رمضان فيها رقص ومخدرات وخمره ودعاره
الجيل ده نشأ وقدوته إبراهيم الابيض وعبده موته والالمانى
الجيل ده نشأ على برنامج المذيع طلع ع الهواء يجرب سويت على شعر رجله
الجيل ده نشأ على احتفال فيه محافظ بيكرم رقاصه
الجيل ده نشأ على برامج بتستضيف شوية عيال متسولين عملوا مهرجان شعبى منحط فى الوقت اللى حملة الماجستير يلهثون لا احد يسمع لهم
الجيل ده نشأ على مجلس شعب متقدم فيه سما المصري
الجيل ده نشأ على نصيحة ممثله بمشاهدة افلام الأباحيه وممثل بيطالب باتساع المشاهد الإباحية على التليفزيون المصرى
الجيل ده نشأ علي منح الدكتوراه الفخريه لشعبان عبرحيم.
منتظر ايه من جيل بالشكل ده والبيئه دى ؟
هل ده جيل يقدر يشتغل وينتج ويفيد بلده في اى مجال
الجيل اللى بالمنظر ده لما يتجوز ويخلف هتبقى المحصله ايه
لو من كام سنه ورا كان مستحيل اتجرأ واكتب كلام بالقذاره دى لكن الواقع اقذر واوسخ والاسفاف والتفاهه والمستنقعات دى بيتصرف عليها ملايين فى الافلام بحجة انها واقع ولازم يتغير للأسف احنا وصلنا لمرحلة ماتحت القاع ولازلنا مستمرين في الحفر
الكلام ده معناه ازمه وطن
لان الجيل الحالى بالوضع ده لن يبنى وطن
لكى الله يامصر اقسم بالله انى حزين علي شبابنا وما وصل به الحال في مصرنا الحبيبة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‫شاهد أيضًا‬

أمين شباب حزب مصر بلدي: نسعي للمساهمة في اثراء الحياة السياسية في محافظات الجمهورية

كنب_عماد خطاب صرح الدكتور حسام الدين محمود “أمين شباب الجمهورية لحزب مصر بلدي”…